02 de enero de 2010

Asturianos n´internet. MAXI /JUAN
-Vamos cambiar el sistema operativu, ¿oíste?
-¿Cómo ye, ho?
-Hay que informatizar la cuadra, Lolo.
-¿Por...?
-¡Pa ponese al día y salir pola tele, como Sietes!
-Pero... ¿Ónde tá el ordenador?
-¡Soy yo!
-¿Qué, ho?
-¡Les órdenes doiles yo!
-Ah. Y entós yo... ¿Qué soy?
-El mi servidor. Como te me caigas, armo la de...
-¿Y qué fago?
-Vete a la barra de herramientes, ¿vesla?
-Sí, ho.
-Garra el rastrillu que tá al lau del garabatu.
-¿Pa qué, ho?
-¡Pa limpiar! ¡Tengo la cuadra llena de spam!
-¿Spam? ¡Lo que tá ye encharcá!
-Díjete que trajeras katiuskas. ¿Cómo cojones quies navegar?
-¿Y tú vas quedáte ahí, ho?
-Home, claro. Tengo que vete desde la güindou.
-¿Por?
-¡Porque soy de «Güindous Vista», oveya!
-Ah.
-Y encima ando con gripona. ¿Trajiste antivirus?
-Meca, nun me comentaste ná.
-A ver si voy contagiate...
-¡Uf! ¿Y qué fago ahora?
-Fíjate en mí, tenemos que tar conectaos, Lolo.
-Ah.
-Si nos falla la conexión, ya se jodió, ¿oíste?
-Vale.
-Cuando acabes con la mierda, sales, pañes la hierba y das-y a guardar.
-¿Ónde, ho?
-En la tená. Haces click y ya tá.
-¿Y el ratón?, ¿nun tenemos ratón?
-De momento, no. Pero si aparez unu, ¡a fesoriazos con él!
-Vale. ¿Y depués?
-Depués, reiniciar.
-¿Qué, ho?
-Que garres la fesoria y vuelves a empezar.
-¿Tás seguru que el aparatu esti ye así?
-¿Qué pienses, que nun sé de sobra lo que ye el PC?
-A tí echáronte cuando aquello de Perlora..
-Ye igual. La clase obrera sigue en lucha.
-Sí, ho... Selo yo.
-Y nun te fíes de nadie, que en esti pueblu hay mucho troyanu.
-Dame igual, con tal de minimizar...
-¿Acordaraste de to?
-Sí, ho.
-¿De verdá?
-Tranquilu, José Juan, que tengo memoria RAM...
Pal que nun sea de qui, SIETES YE EN PUEBLU ASTURIANU MUY GUAPIN.


Publicado por titosotelo @ 13:15  | Graciosos
Comentarios (0)  | Enviar
Comentarios